Х1ора а шарахь, 25-чу апрелехь, Нохчийн Республикехь билгалдоккху Нохчийн меттан рог1ера де.

Иза, 2007-чу шарахь, республикин Куьйгалхочун Р.Кадыровн сацамца дагалаьцна а, д1акхайкхина а де ду. Ала дог1у, нохчийн мотт 1алашбарехь а, кхиорехь а цу дийно йоккха а, мехала а меттиг д1алаьцна хилар. Мехкан Куьйгалхочо вайн къоман меттан сийнна лакхарчу т1ег1енехь терго йина хилча, вайх х1ора а декхарийлахь ву ша бийца а, шен доьзалехь бийцийта а нохчийн мотт!Нохчийн халкъан уггаре а дезчу денца Дала декъалбойла нохчийн мохк, нохчийн халкъ, х1ора а нохчи!